Гэр сурталчилгаа

Манай байгууллагын зүгээс хэрэглэгчиддээ улам ойртохын тулд “гэр сурталчилгаа” –г хийж ирсэн бөгөөд 2014 оны 9 сард Завхан аймгийн Улиастай, Тэс, Тэлмэн, Отгон, Шилүүстэй, Завханмандал, Сантмаргац, Дөрвөлжин, Сонгино сумдаар яван сурталчилгаа хийж иргэдэд бүтээгдэхүүний талаар мэдээлэллийг тараасан байна.

Мөн Улаанбаатар хотын гэр хороолол төвлөрсөн бүс болох Баянхошуу, Нисэх, Цайз, Улиастай, Дэнжийн 1000 –д гэр сурталчилгааны цэг ажилуулан иргэдэд мэдээлэл өгөхийн хажуугаар шууд борлуулалт хийх ажлыг 2014 оны 11 сараас 2015 оны 1 сар хүртэл амжилттай зохион байгуулав.

Гүүд шэйринг ХХК нь 2015 онд дулаан баригчийн тараалтын үйл ажиллагаагаа өргөжүүлэн, орон нутгийн удирдах байгууллагуудтай хамтарч ажиллах төлөвлөгөөтэй байгаа бөгөөд, энэхүү төлөвлөгөөний хүрээнд орон нутгуудад гэр сурталчилгаа хийж эхлээд байна. Тухайлбал 2015 оны 2 сарын 9-10 хооронд Хэнтий аймгийн Чингис хотод гэр сурталчилгаа хийж орон нутгийн иргэдэд бүтээгдэхүүний талаар сурталчилгаа хийсэн байна.